Fiskur í Satay sósu!

Uppskrift

600g Hvítur fiskur, skorinn í hæfilega stóra bita

200g Satay sósa

1 dós kókosmjólk

1 Paprika, skorin í teninga

1 Kúrbítur, skorinn í teninga

2 Stórar gulrætur, skornar í teninga

1 Rauðlaukur, skorinn í bita

Lítill brokkolihaus, skorinn í bita

Salt & pipar

Ólífuolía og/smjör til steikingar

Aðferð

Ofn hitaður í 200 gráður. Grænmetið er steikt á pönnu upp úr smjöri og/eða ólífuolíu þar til það fer að mýkjast. Þá er satay sósunni og kókosmjólkinni bætt út á pönnuna og blandað saman við grænmetið. Öllu er svo hellt yfir í eldfast mót og meira smjör bætt út á pönnuna. Fiskurinn er kryddaður með salti og pipar og steiktur á báðum hliðum í 1-2 mínútur. Því næst er fiskurinn lagður ofan á grænmetið í eldfasta mótinu.

Sett inn í ofn í 5-10 mínútur eða þar til fiskurinn er eldaður í gegn (fer mikið eftir þykkt fisksins).